About our ...... 出門酒店

2012年9月14日   星期五   好好天 :D

一路都諗住依間「江澤民酒店」做我們既出門酒店，對她有好深刻既印象，而且非常之有好感！

有深既印象係因為除左江澤民先生真係住過依度之外，我讀書時既學校畢業晚會都係依度呢！哈！

有好感係因為最記得一入到大堂就有好好好大既水晶燈吊起係大堂中間，望前啲就有巨型既落地玻璃，望出去就係維港了，仲有影靚相必去既月亮形雲石樓梯，出面又有噴水池，真係種種原因令她成為我出門酒店既不二之選 - 九龍海逸君綽酒店！

不過訂依間酒店不是那麼順利…諗住早啲訂會有着數，點知又超出預算，無奈都要同佢講再見。

跟住我地好快就投懷8度酒店，其實依間都不錯，有海景，裝修又新正，仲有貼心既package - 係唔需要買結婚茶壺，cushion等等既結婚用品，仲有西餅送呢！最緊要夠平！我地siteseeing之後都好快reserve啦。

跟住好事就來啦，江澤民酒店打比我，話有promotion！！！只係比8度貴小小, 貴小小就可以啦………即刻拿拿林book左時間去site seeing，跟住就唔多講啦，我同boss當然非常滿意，好快就取消埋8度!