HoneyMoon @ 悉尼 ✿第二站✿ - Day8 (Part 1)

2013年3月31日   星期日   好天。。。跟著陰天。。。

今日我地既目的地係Easter Show

一年一次，係澳洲好好好。。。大型既嘉年華會

點解我會知呢，全靠旅行社 

永X, 康X旅行社都有攪團

跟著上網又睇下悉尼復活節會有咩特別野玩呢。。。

等等原因之下就慢慢認識 Sydney Royal Easter Show

係未出發之前我地填左個肚先

依間日本餐廳都幾有味道

播住日本歌咁
頭兩日經過都想試架啦

唔諗啦，就佢啦！！！

佢地個運作模式係咁樣樣。。。

先揀野，後比錢

咁我就叫兩個set啦

個日本姐姐問我要唔要飯

我話要！

(原來佢想問我額外要唔要多碗飯。。。)

結果。。。攪到成檯都係野食。。。

依碗就係額外既飯啦。。。

我地個SET本身已經有碗牛肉飯。。。

最後我地盡最大最大既努力食哂所有野。。。

✿✿ 除左果碗額外既飯  ✿✿

Easter Show 在昔日悉尼舉辦奥運會既場地舉行

交通好方便呢，只係30分鐘車程就到Olymipic Park啦 

嘩。。。。。洗唔洗畫到成車都係呀 

今日係星期日，又係復活節假期

人山人海呀 

依位同學睇咩睇到咁專心呀 

依個嘉年華會真係好好好。。。大呢

行左成日。。。都行唔哂 

真係要揀黎行

依度有動有靜。。。

動既就係機動遊戲啦

不過我地冇玩到呢

想睇啲平時未必睇到既野。。。

今日來個親親動物大行動 

次次見到樹熊9成多都係訓覺 

依隻唔知係咩黎呢。。。

✿ 羊羊PAVILION ✿

唔好意思呀羊先生

你咁樣樣背著我

真係忍不住要影一影 

澳洲姨姨依家用緊羊先生啲毛毛織冷線 

依位羊弟弟可能太百厭關係

同人打架打傷左。。。

嘩。。。成班豬仔飲奶奶 

睇黎佢地都餓左好耐。。。
✿ 豬仔PAVILION ✿

待續。。。